Marta Fernández naiz, Aspace Gipuzkoako Giza Baliabideetako zuzendaria. Gure elkartearen helburua garuneko paralisia duten pertsonen eta haien familien bizi-kalitatea hobetzea da. Aspace Gipuzkoa, alde batetik, 415 erabiltzailek eta beren familiek osatzen dute; eta, bestetik, 371 profesionalek eratutako gizataldeak. Lehenik eta behin, berdintasun-plan bat egitea erabaki genuen 901/2020 Errege Dekretuak ezarritako araudia betetzeko, 50 langile baino gehiagoko enpresa gisa, eta bestelako helburu batzuei ere erantzuteko.
Esate baterako, berdintasunaren arloan genuen benetako egoera ezagutzea, bere indarrekin eta ahuleziekin, eta ekintza-plan bat prestatzea horiei aurre egiteko. Eta, bestalde, ordainsari-berdintasuna bermatzea –hau da, balio bereko lanpostuetan ordainsari bera ezartzea–, eta genero-ikuspegia modu transbertsalean txertatzea Aspace Gipuzkoako kulturan. Grupo Gisma aholkularitza-enpresak Emakunderen homologazioa zeukanez berdintasun-planak ezartzeko, proiektua bertako lantaldearekin egitea erabaki genuen, bilatzen genuen balio erantsiagatik, arreta pertsonalizatuagatik eta ikuspegi guztiz praktikoagatik.
Proiektua gauzatzearen ondorioz, hainbat onura lortu ditugu. Nabarmenduko nuke barne-mailan berdintasunaren esanahia ezagutarazi dela, eta horrek aplikazio praktiko ugari izan dituela. Enpresaren politika definitu da emakumeen eta gizonen arteko tratu-berdintasunaren, eskubideen, betebeharren eta aukeren printzipioetan oinarrituta.
Gure hitzarmen kolektiboetan eta enpresa-itunetan jasotako kontziliazio-neurrien aplikazio praktikoa nola hobetu zitekeen hausnartzen lagundu digu. Grupo Gismak, gainera, hobekuntza-aukerak detektatzen lagundu digu. Adibidez, arlo guztietan hizkera inklusiboa ezartzen, eta ekitaterik handiena bermatuko duten hautaketa- eta sustapen-prozesuen ikuspegia garatzen.
Grupo Gismak Aspace Gipuzkoarekin egindako lan-prozesua sinplea eta oso eraginkorra izan zen. Fase guztietan gidatu eta lagundu gintuzten, eta inplikazio handia erakutsi zuten. Oso proiektu parte-hartzailea izan zen, enpresako arlo guztiak inplikatu baitzituzten.
Gainera, pixka batean gelditzen eta giza baliabideen beste prozesu batzuk nola lantzen genituen berrikusten lagundu ziguten, efizientzia areagotzeko. Berdintasun-plan bat egiteko asmoa duten beste enpresa batzuei Grupo Gisma gomendatuko nieke, beren gizataldeak balio erantsia ematen duelako. Profesionalak dira, hurbilak, malguak eta gaian adituak. Lehenengo unetik fidagarritasun handia transmititzen dute, eta proiektuaren arrakasta bermatuta dago.